D'EU-Direktiv fir d'Liwwerkettegesetz soll jo bis Juli 2028 an nationaalt Recht ëmgesat ginn. Aktuell géif et awer nach un der richteger Legislatioun feelen, wouduerch et enorm Hürde géif ginn, déi bal onméiglech ze iwwerwanne wieren, heescht et vun der CCDH an der IDV. De gesetzleche Kader misst onbedéngt ugepasst ginn. Zum Beispill misst et, wéi och am Ausland, méiglech sinn, datt Sammelkloe gemaach kënne ginn. Eng weider Fuerderung ass déi, datt d'Geriichter hei am Land d'Lëtzebuerger Recht applizéieren an net dat vun aneren Drëttstaaten an datt bei Entreprisen, déi hire Sëtz hei am Land hunn, och d'Lëtzebuerger Recht gëllt.
