Alles an allem soll d'Land 70.000 Impfdosisse kréien. De Vaccin ass fir e limitéierten Asaz bei ganz vulnerabele Leit a fir Tester virgesinn. Bis ewell ass net gewosst, ob den Impfstoff och géint d'Variant wierkt, déi am Kongo zirkuléiert.
Den Ebola-Ausbroch am Kongo war de 15. Mee offiziell festgestallt ginn, ma warscheinlech ass de Virus deen Ament scho wochelaang zirkuléiert. D'Epidemie betrëfft virun allem eng Rei Provënzen am Norden an am Oste vun der Demokratescher Republik Kongo, wou déi medezinesch Versuergung no jorelaange Konflikter staark limitéiert ass. E Freideg hat d'UNO matgedeelt, datt scho méi wéi 2.500 Mënschen an dem zentralafrikanesche Land un Ebola gestuerwe sinn.
