Zu Gelsenkirchen sinn en Donneschdeg de Mëtteg Trammen aneneegerannt. Dobäi goufe 25 Persoune blesséiert, dovun dräi liewensgeféierlech an der siwe schwéier.
Eng Fahrschoul-Tram ass tëscht den Arrête Veltins-Arena a Willy-Brandt-Allee stoebliwwen. Een zweete mat Passagéier voll besaten Tram ass doropshin, ouni ze bremsen, hannendrop gefuer. D'Plaz vum Accident op der Kurt-Schumacher-Strooss gouf gespaart.
Vill Ambulanze waren am Asaz, an d'Blesséiert goufen an d'Spideeler bruecht.
D'Police ermëttelt elo d'Ursaach vum Accident. Firwat d'Fahrschoul-Tram onerwaart stoebliwwen ass, muss enger Spriecherin vun der Police no nach gekläert ginn.
