Ënnert den Doudege wieren zwee Bouwe vu sechs an néng Joer. D'Läiche goufen e Mëttwochowend am Uert Gy op enger Campingplaz entdeckt. Der Zeitung "L'Est Républicain" no huet e Familljepapp seng Familljemembere mat engem Gewier erschoss, ier en d'Waff géint sech selwer geriicht huet. Bei der véierter Doudesaffer soll et sech ëm dem Mann seng Schwéiermamm handelen. De Papp soll mat senger Fra grad an der Scheedung gewiescht sinn an och en Haus mat hir gebaut hunn.
