Den 9. September gëtt de verstuerwenen norweegesche Kinnek Harald V. zu Oslo begruewen. Déi lescht Éier erweisen him och de Grand-Duc Guillaume mat senger Fra a sengem Papp, dem Grand-Duc Henri. Déi groussherzoglech Famill wäert dofir nächste Mëttwoch op Oslo reesen.
Deen Dag sinn dann hei am Land och d'Fändelen um Palais an um Schlass zu Colmer-Bierg op Hallefmast.
Bei der grousser Trauerzeremonie am Dom zu Oslo gi vill Kinnekshaiser aus ganz Europa an aus Japan erwaart. An och Politiker wéi den däitsche Bundespresident Steinmeier.
