Mam Robotertaxi wëll Tesla den Entreprisë Waymo an Uber Konkurrenz maachen. Waymo an Uber bidde scho sëllegen Taxien an den USA un, déi selwer fueren. Den Tesla-Chef Elon Musk huet op X eng KI-Foto vun engem risege Cybercab publizéiert, dee matten an enger Stëbswollek iwwer déi texanesch Stad Austin fiert.
De Musk huet eng "Well u Cybercabs" zu Austin ugekënnegt. Wéi d'Zeitung "Austin American-Statesman" mellt, konnten d'Participantë vum Event en Donneschdeg als Éischt an den Taxien ouni Chauffer matfueren. Dës sollen dann och vun e Freideg u scho fir de Public accessibel sinn.
De gëllene Cybercab soll Plaz fir zwee Passagéier bidden. Tesla hänkt bei der Technologie e bëssen hannendran. D'Google-Duechter Waymo bitt zesumme mat Uber schonn an 11 Stied an den USA Taxien un, déi selwer fueren. Dorënner San Francisco a Los Angeles. Tesla bis well nëmmen an Texas.
Eng Rei US-Bundesstaate schreiwe vir, datt an den Autoen e Mënsch muss sëtzen, deen oppasse kann, fir bei Besoin d'Kontroll z'iwwerhuelen. Autoen ouni Steierrad a Pedalle sinn do tabu.
