D'Evolutioun vun de confirméierte Fäll vu sexuell iwwerdrobare Krankheeten weist déi lescht Joren iwwer variabel Tendenzen. Dat äntwert d'Gesondheetsministesch Martine Deprez op eng parlamentaresch Fro vun der LSAP.
37 HIV-Infektioune goufen am Laf vun 2025 festgestallt. Dat ass deen niddregste Wäert vun de leschte 5 Joer.
Klamme maachen dogéint d'Fäll vu Syphilis, där der zejoert 165 festgestallt goufen. 18 méi wéi 2024 a carrement 56, respektiv 70 méi wéi déi 2 Joer virdrun. D'Fäll vu Chlamydie läit mat 1.554 an der relativer Moyenne zanter 2022.
Aktuell schafft iwwerdeems en Aarbechtsgrupp am Gesondheetsministère drun, fir vum nächste Joer u Kondomer gratis ze maachen. Dofir soll am nächste Budget e Montant vu liicht méi wéi 800.000 Euro virgesi ginn.
