Direkt dräi Blesséierter gouf et, wéi sech um 16:55 Auer e Freidegowend tëscht dem Gaasperecher an dem Zéissenger Kräiz op der A6 e puer Autoen ze pake kruten. D'Stater Ambulancieren a Pompjeeë waren hei op der Plaz.
D'Secouriste vu Réiden hunn dann um 00:50 Auer e Samschdegmoien e blesséierten Automobilist versuergt. Dëse war um CR303 tëscht Nidderkolpech an Uewerpalle mat sengem Auto an en Obstakel gerannt. Och d'Pompjeeë vun Ell a Réiden waren hei am Asaz.
Kuerz virun 10 Auer krut dann eng Camionnette op der RN10 tëscht der Hëttermillen an Éinen e Cyclist ze paken. D'Ambulanciere vu Réimech an d'Pompjeeë vu Wuermer waren hei op der Plaz.
Um 13.15 Auer gouf dann e Cyclist tëscht Schwéidsbeng a Rëmerschen op der RN10 vun engem Auto erfaasst. D'Pompjeeë vu Schengen, de Samu vun Esch an d'Ambulanciere vun Diddeleng goufen hei an den Asaz geruff.
