De Generalkonsulat hätt bis de 18. September Zäit, dono misste si ophalen, sou de russeschen Ausseministère e Méindeg. D'Mataarbechter missten d'Land bis spéitstens deen Zäitraum verlooss hunn.
Moskau hat do virdru schonn d'Fermeture vun de Goethe-Institut-Standuerter a Russland annoncéiert. E Méindeg huet de russeschen Ausseministère preziséiert, d'Mataarbechter vun de Goethe-Instituter misste Rusland bis den 13. September verloossen. De Ministère reprochéiert den däitschen Autoritéiten eng "nei Eskalatiounsronn" an de bilaterale Bezéiungen ausgeléist ze hunn.
D'Bundesregierung hat d'lescht Woch als Reaktioun op den Drone-Virfall zu Leipzig gefuerdert, dat russescht Generalkonsulat zu Bonn bis den 18. September zouzemaachen an de Vertrag mam Russeschen Haus zu Berlin ze kënnegen.
Ufank August war um Fluchhafe Leipzig eng mat Sprengstoff belueden Dron entdeckt ginn, net wäit vun engem ukrainesche Cargofliger. Op dësem Fluchhafe komme militäresch Liwwerungen fir d'Ukrain un. D'Bundesregierung huet Russland fir den Uschlagsversuch verantwortlech gemaach.
